शरद इजिनिअरिंग कॉलेजमध्ये ४ व ५ एप्रिलला पुस्तक प्रदर्शन..!
majhamaharashtra 
कोल्हापूर- यड्राव येथील शरद इस्टिट्युट ऑफ टेक्ऩॉलॉजी, कॉलेज ऑफ इंजिनिअरिंगमध्ये पुस्तक प्रदर्शनाचे आयोजन करण्यात आले आहे. शुक्रवार (ता. ४) व शनिवार (ता.५ ) रोजी सकाळी १० ते सायंकाळी ५ वाजेपर्यंत प्रदर्शन सर्वांसाठी खुले राहणार आहे. प्रदर्शनाचे उद्घाटन संस्थेचे एक्झिक्युटीव्ह डायरेक्टर अनिल बागणे यांच्या हस्ते होणार आहे.
या प्रदर्शनात मराठी, हिंदी, इंग्रजी, कथा, कादबंरी, चरित्रे, वाड:मय, स्पर्धा परिक्षा, एम.पी.एस.सी., यु.पी.एस.सी., अभियांत्रिकी, तांत्रिकी, व्यवस्थापन यासह विविध विषयावरील हजारो पुस्तकांचा समावेश आहे. यामध्ये बेस्ट बुक सेलर्स मार्फत पिअरसन, न्यू एज, सिंगेज, ओ रिअली, एस.पी.डी., वायली, आय.के., टेक्सार, सीआरसी, अप्रेस आदी प्रकाशक तांत्रिक पुस्तकासह सहभागी होणार आहेत. त्याचबरोबर मेहता बुक सेलर हे इतर वाड:मय साहित्यासह सहभागी होणार आहेत.
प्रदर्शन सर्वांसाठी खुले असून सवलतीच्या दरात पुस्तके खरेदी करता येणार आहेत. तरी जास्तीतजास्त वाचक रसीक, विद्यार्थी व सार्वजनिक ग्रंथालयांनी प्रदर्शनाचा लाभ घेण्याचे आवाहन शरद इंजनिअरिंगचे ग्रंथपाल युवराज पाटील यांनी केले आहे.
