राज्य पुरातत्व संचालक तेजस गर्गे निलंबित: दीड लाखांच्या लाच प्रकरणात राज्य सरकारची कडक कारवाई

राज्य पुरातत्व खात्याचे संचालक तेजस गर्गे यांना १.५ लाख रुपयांच्या लाच प्रकरणात निलंबित करण्यात आले आहे. या प्रकरणात गर्गे यांच्यासह नाशिक येथील सहाय्यक संचालक आरती आळे यांचा सहभाग आढळून आला आहे. तक्रारदाराने एक कारखाना सुरू करण्यासाठी आवश्यक असलेल्या ना हरकत प्रमाणपत्राच्या बदल्यात आळे यांनी लाचेची मागणी केली होती. लाचलुचपत प्रतिबंधक विभागाने सापळा रचून आळे यांना रंगेहाथ पकडले, त्यानंतर त्यांनी गर्गे यांना हिश्याच्या पैशाबद्दल कळवले, ज्यावर गर्गे यांनी सहमती दर्शवली. या कारवाईनंतर गर्गे फरार झाले असून, त्यांचा शोध घेण्यासाठी पोलिसांचे पथक काम करत आहे. गर्गे यांचा अटकपूर्व जामीन अर्ज देखील फेटाळण्यात आला आहे.