भारतीय क्रिकेटला आठवड्यात दूसरा धक्का , किंग कोहलीची कसोटीतून निवृत्तीची घोषणा

मुंबई: भारतीय क्रिकेटला एका आठवड्यात दोन मोठे धक्के बसले आहेत. रोहित शर्मानंतर आता किंग कोहली अर्थात  विराट कोहलीने कसोटी क्रिकेटमधून निवृत्तीची घोषणा केली आहे. इंस्टाग्रामवर पोस्ट करून त्याने  ही माहिती दिली. गेल्या काही दिवसांपासून माध्यमांमध्ये अशी चर्चा होती की कोहलीने बीसीसीआयला त्याच्या निवृत्तीची माहिती दिली आहे, परंतु बीसीसीआयने त्याला आगामी इंग्लंड कसोटी मालिकेच्या पार्श्वभूमीवर त्याच्या निर्णयावर पुनर्विचार करण्यास सांगितले होते.

आज अखेर कोहलीने कसोटीतून निवृत्ती घेण्याचा निर्णय घेतला. भारतासाठी हा मोठा धक्का आहे कारण 8 मे रोजी नियमित कर्णधार रोहितनेही कसोटीतून निवृत्ती घेतली. एका आठवड्यात दोन दिग्गज खेळाडूंच्या निवृत्तीमुळे चाहते हैराण झाले आहेत. यासोबतच भारतीय कसोटी क्रिकेटमधील एका अध्यायाचा शेवट झाला. भारत पुढील महिन्यात इंग्लंड दौऱ्यावर जाणार आहे. या काळात संघ पाच सामन्यांची कसोटी मालिका खेळेल.

किंग कोहलीची इंस्टाग्राम पोस्ट 

विराटने त्याच्या पोस्टमध्ये लिहिले की, "मी 14 वर्षांपूर्वी कसोटी क्रिकेटमध्ये पहिल्यांदाच बॅगी ब्लू जर्सी घातली होती. खरं सांगायचं तर, हा फॉरमॅट मला अशा प्रवासात घेऊन जाईल अशी मी कधीच कल्पना केली नव्हती. त्याने माझी परीक्षा घेतली, मला परिभाषित केले आणि मला असे धडे शिकवले जे मी आयुष्यभर माझ्यासोबत घेऊन जाईन. पांढऱ्या जर्सीमध्ये खेळणे हा माझ्यासाठी खूप खास आणि वैयक्तिक अनुभव आहे. कठोर परिश्रम, लांब दिवस, छोटे क्षण जे कोणीही पाहत नाही, पण ते कायमचे तुमच्यासोबत राहतात. मी या फॉरमॅटपासून दूर जात असताना, ते सोपे नाही, पण सध्या ते योग्य वाटते. मी माझे सर्वस्व दिले आहे आणि त्याने मला अपेक्षेपेक्षा जास्त दिले आहे. मी खेळाबद्दल, मैदानावरील लोकांबद्दल आणि या प्रवासात मला साथ देणाऱ्या प्रत्येकाबद्दल आभारी आहे. मी माझ्या कसोटी कारकिर्दीकडे नेहमी हसतमुखाने पाहेन. त्याने 269 नंबर लिहिला आणि 'साइनिंग ऑफ' असे लिहिले."

विराट १४ वर्षे कसोटी क्रिकेटचा भाग राहीला 

विराट कोहलीने जून 2011 मध्ये भारतासाठी कसोटी पदार्पण केले आणि 14 वर्षे तो टीम इंडियाचा प्रमुख फलंदाज राहिला. या काळात त्याने 129 कसोटी सामन्यांच्या 210 डावांमध्ये 46.58 च्या सरासरीने 9230 धावा केल्या. त्याने कसोटीत 30 शतके आणि 31 शतके ठोकण्याचा महान पराक्रम केला. कोहलीने आधीच टी20 मधून निवृत्ती घेतली आहे. गेल्या वर्षी 2024 च्या टी-20 विश्वचषक विजेतेपद जिंकल्यानंतर त्याने टी-20 आंतरराष्ट्रीय स्वरूपाला निरोप दिला. विराट आता रोहितसोबत फक्त एकदिवसीय क्रिकेट खेळताना दिसणार आहे.