राधानगरीतील गुडाळ येथील दूध संस्थेच्या पदाधिकाऱ्यांसह प्रमुख कार्यकर्त्यांचा भाजपमध्ये प्रवेश ; खा. महाडिक यांच्याकडून स्वागत

कोल्हापूर - राधानगरी तालुक्यातील गुडाळ येथील स्वर्गीय इंदिरा श्रीपतराव पाटील सहकारी दूध संस्थेचे अध्यक्ष आणि माजी प्राचार्य एस. बी. पाटील यांच्यासह संस्थेचे अनेक पदाधिकारी व ग्रामस्थांनी आज काँग्रेसला रामराम करत भारतीय जनता पक्षात प्रवेश केला. कोल्हापूर येथील भाजप कार्यालयात आयोजित कार्यक्रमात खा. धनंजय महाडिक यांनी या सर्व कार्यकर्त्यांचे पक्षात स्वागत केले.

यावेळी खासदार महाडिक यांनी, "गाव व सहकारी संस्थांच्या सर्वांगीण विकासासाठी आपण नेहमीच कार्यकर्त्यांच्या पाठीशी उभे राहू," अशी ग्वाही दिली. त्यांनी भाजपमध्ये प्रवेश करणाऱ्या कार्यकर्त्यांना सन्मानाची वागणूक दिली जाईल, असेही आश्वासन दिले.

भाजपमध्ये प्रवेश करणाऱ्यांमध्ये सागर वागरे, युवराज पाटील, राहुल पाटील, दुलाजी पाटील, राजेंद्र मोहिते, बळवंत पाटील, कृष्णात पाटील, संजय पाटील, शामराव पाटील, दत्तात्रय पाटील, सौरभ सुतार, दिनकर पाटील, ऋतुराज काटकर आणि निवृत्त नौदल अधिकारी आर. बी. पाटील यांचा समावेश होता.

या कार्यक्रमाला भाजपचे जिल्हाध्यक्ष नाथाजी पाटील, उपाध्यक्ष संभाजीराव आरडे, रवीश पाटील-कौलवकर, विजय महाडिक, प्रा. डी. टी. पुंगावकर तसेच भाजपचे मंडल अध्यक्ष उपस्थित होते.