संजय राऊत यांनी घेतला धनंजय मुंडे यांचा समाचार, म्हणाले.....

मुंबई : धनंजय मुंडे यांनी केलेले शिर्डीतील राष्ट्रवादी काँग्रेस पार्टीच्या शिबिरातील भाषण प्रचंड गाजत आहे. या शिबिरीत त्यांनी अनेक मोठे खुलासे केले, त्याची जोरदार चर्चा होत आहे. अजित पवार देखील या शिबिरात धनंजय मुंडे यांच्या भाषणाबद्दल बोलताना दिसले. मुंडे हे शिर्डीतील शिबिरात दाखल होणार नसल्याची चर्चा होती. मात्र, ते अचानक शिर्डीत दाखल झाले.

भाषणात काय म्हणाले धनंजय मुंडे? 

यावेळी धनंजय मुंडे यांनी आपल्या भाषणात मोठा खुलासा करत म्हटले की, सकाळच्या शपथविधी करणे योग्य नसल्याचा सल्ला मी अजित दादांना दिला होता. मी त्यांना सांगत होतो की, शपथविधी घ्यायला जाऊ नका. हे सर्व तुमच्याविरोधात कटकारस्थान असल्याचेही मी त्यांना सांगितले होते, त्यांनी माझे ऐकले नसल्याचे धनंजय मुंडे यांनी म्हटले. धनंजय मुंडे यांच्या विधानाची जोरदार चर्चा रंगताना दिसतंय. आता त्यावरच संजय राऊत हे बोलताना दिसले आहेत.

काय म्हणाले संजय राऊत ? 

संजय राऊत म्हणाले की, मग आता का ओरडून सांगितले नाही?. पहाटेच्या शपथविधीबद्दल तुम्ही ओरडत होतात मग आता तुमचे ओरडणे कुठे गेले?. धनंजय मुंडे यांच्यावरती विश्वास ठेवत नसल्याचेही राऊतांनी म्हटले. पुढे राऊत म्हणाले, त्यांना जर एवढी रहस्य माहिती आहेत तर त्यांनी सांगावे, सरपंच संतोष देशमुख यांचा खून कोणी आणि कशासाठी केलाय.

'त्यामुळे ' बीड बदनाम होतंय...

बीडला कोणी बदनाम करत नाही. बीडला बदनाम करणारे तुम्ही स्वत: आहात. पालकमंत्री, मंत्री, सत्ताधारी. सामान्य जनता बीडला बदनाम करत नाही. तुमच्यामुळे बीड बदनाम झालंय. तुम्ही ज्या टोळ्या सुरू केल्या, ताकद दिली, गुंडगिरी सुरू केली. त्यामुळे बीड बदनाम होत असल्याचेही संजय राऊत यांनी म्हटले. यावेळी संजय राऊत हे उपमुख्यमंत्री अजित पवार यांच्यावरही टीका करताना दिसले.