'छावा'चित्रपट करमुक्त करण्याची मनसेची मागणी!
majhamaharashtra 
कोल्हापूर प्रतिनिधी - हिंदवी धर्मसंरक्षक धर्मवीर छत्रपती संभाजी महाराज यांच्या जीवनावर आधारित छावा चित्रपट सर्वसामान्य जनतेला अधिक पाहता यावा, यासाठी तो करमुक्त करण्यात यावा, अशी मागणी महाराष्ट्र नवनिर्माण सेना, कोल्हापूर शहर व जिल्ह्याच्या वतीने करण्यात आली. या संदर्भात मनसेच्या पदाधिकाऱ्यांनी आज उपजिल्हाधिकारी संजय तेली यांना निवेदन सादर केले.
या वेळी जिल्हाध्यक्ष राजू दिंडोर्ले, शहराध्यक्ष प्रसाद पाटील, विजय करजगार, विद्यार्थी सेना जिल्हाध्यक्ष अभिजीत राऊत, शहराध्यक्ष अजिंक्य शिंदे, संजय चौगुले, उत्तम वंदुरे, निलेश गणेशाचार्य, यतीन उरणे आदी पदाधिकारी व कार्यकर्ते उपस्थित होते.
मनसेच्या मागणीची दखल घेत उपजिल्हाधिकारी संजय तेली यांनी छावा चित्रपट करमुक्त करण्यासाठी राज्य सरकारकडे शिफारस करण्याचे आश्वासन दिले.
