कोरे अभियांत्रिकीचे प्राध्यापक आणि विद्यार्थी यांना भारत सरकारचे कॉपीराईट नोंदणी प्रमाणपत्र

कोल्हापूर (प्रतिनिधी) : तात्यासाहेब कोरे इन्स्टिट्यूट ऑफ इंजिनिअरिंग अँड टेक्नॉलॉजी (ऑटोनोमस) अभियांत्रिकी महाविद्यालयातील प्राध्यापक अतिश चव्हाण, गौतम कांबळे आणि कांतीलाल ताम्हाणे व मेकॅनिकल इंजीनियरिंग विभागाचे विद्यार्थी ऋचा भिसे, निवेदिता यामी व नेत्रा पनवल  यांना भारत सरकारचे "एक्वा अमोनिया एबसॉर्पशन रेफ्रिजरेशन सिस्टम सिमुलेशन सॉफ्टवेअर युजर मॅन्युअल" या विषयावर कॉपीराईट नोंदणी प्रमाणपत्र मिळाले.

रेफ्रिजरेशन क्षेत्रात या सॉफ्टवेअरचा व या मॅन्युअलचा प्रभावी सिस्टीम डिझाईन साठी उपयोग होणार आहे. 

श्री वारणा विविध उद्योग व शिक्षण समूहाचे अध्यक्ष डॉ. विनयरावजी कोरे व श्री वारणा विभाग शिक्षण मंडळाचे मुख्य कार्यकारी अधिकारी डॉ.  विलास कारजिन्नी यांनी अभिनंदन केले. प्रभारी प्राचार्य डॉ. डी. एन. माने, डीन,डॉ. एस. एम. पिसे सर्व विभाग प्रमुख , प्राध्यापक, विद्यार्थी यांचे सहकार्य लाभले.