सुप्रिया सुळे यांचं मोठं विधान , कराडशी असलेले संबंध नाकारले नाही
majhamaharashtra 
पुणे : बीड आणि परभणी प्रकरणात राजकारण बाजूला ठेवून सरकारने पारदर्शक कारभार करावा. संवेदनशील मुख्यमंत्र्यांनी बीड आणि परभणी प्रकरणांमध्ये योग्य निर्णय घ्यावा एवढीच सरकार कडून अपेक्षा असल्याचे खासदार सुप्रिया सुळे यांनी म्हटले आहे.
खंडणी प्रकरणासह सरपंच संतोष देशमुख हत्या प्रकरणात वाल्मिक कराडचे नाव पुढे येत आहे. वाल्मिक कराड मंत्री धनंजय मुंडे यांच्या जवळचा व्यक्ति असल्याने विरोधकांकडून धनंजय मुंडे यांच्या राजीनाम्याची जोरदार मागणी करण्यात येत आहे. यातच आता सुप्रिया सुळे यांच्या सोबतच्या फोटोमुळे प्रकरण अजूनच तापले आहे. आमचे वाल्मिक कराडशी असलेले संबंध आम्ही कधीही नाकारले नाहीत. एकाच पक्षात असल्याने एकत्र फोटो असणारच. अशी माहितीही त्यांनी यावेळी दिली. या सर्व प्रकरणावर पत्रकारांशी त्या बोलत होत्या.
काही दिवसांपूर्वी संतोष देशमुख हत्या प्रकरणातील संशयीत आरोपी वाल्मिक कराड स्वतः पुण्यातील CID च्या कार्यालयात आत्मसमर्पण करत अटक झाला होता. आणि आज याच हत्या प्रकरणातील आरोपींना पुण्यातूनच अटक केल्यामुळे, पोलिस प्रशासनाच्या कारभारावर प्रश्न उपस्थित होत आहेत.
पालकमंत्री कोण होणार ?
पालकमंत्री पदाबाबत विचारणा केली असता खासदार सुप्रिया सुळे यांनी महायुती सरकारवर ताशेरे ओढले. त्या म्हणाल्या ,"एवढं मोठं बहुमत मिळालं आहे,तरीही सगळ्याच गोष्टींना उशिर होत आहे. अनेक मंत्र्यानी अजुनही चार्ज घेतला नाही. मीही पालकमंत्री पदाबद्दल चर्चा कुठे ऐकली नाही."
