अंगणवाडी सेविकांचे जेलभारो आंदोलन

कोल्हापूर (प्रतिनिधी) : अंगणवाडी सेविका व मदतनीस यांनी आपल्या मागणयासाठी मुंबई येथे जोरदार निदर्शने करुन जेलभरो आंदोलन केले. यावेळी पोलिसांनी सर्वांना अटक करुन ताब्यात घेतले व नंतर सोडून देण्यात आले.

मानधनवाढीचा शासकीय अध्यादेश काढा पेन्शन योजना लागूकरा ग्रॅचुईटी लागू करा या व इतर मागणयासाठी गेले तीन दिवस महिलांचे उपोषण सुरु होते मात्र शासनाने याची दखल घेतली नाही याचे निषेधार्थ आज जेलभरो आंदोलन करण्यात आले 

आज सकाळपासून राज्यभरातून हजारो सेविका मुंबईत जमल्या प्रमुख नेत्यांचे मनोगत झाल्यानंतर सर्वजण रस्त्यावर जात असता पोलिसांनी प्रमुख कार्यकर्ते व महिलांना ताब्यात घेवून अटक केली व नंतर सोडून दिले 

यावेळी कॉम्रेड जयश्री पाटील ,शुभा शमीम ,राजेश सिह, दिलीप उटाणे ,सरिता कांदले, दत्ता देशमुख, अनिता माने ,अर्चना पाटील ,कुंदा बडबडे, भारती कुरणे यांची भाषणे झाली