कागल गडहिंग्लज-उत्तूर विभाग माझ्यासाठी मतदारसंघ नव्हे तर माझे कुटुंबच- समरजितसिंह घाटगे

कागल (प्रतिनिधी) : कागल,गडहिंग्लज उत्तुर विभागाकडे मतदार संघ म्हणून नव्हे तर माझे कुटुंब म्हणूनच पाहतो.असे प्रतिपादन राष्ट्रवादी शरदचंद्र पवार पक्षाचे नेते व शाहू ग्रुपचे अध्यक्ष राजे समरजितसिंह घाटगे यांनी केले.

   रणदिवेवाडी ता. कागल येथे त्यांच्या प्रयत्नातून मंजूर झालेल्या सव्वा कोटीहून अधिक रुपयांच्या विविध विकास कामांचे उद्घाटन व लोकार्पण अशा संयुक्त कार्यक्रमावेळी ते बोलत होते. अध्यक्षस्थानी सरपंच राहुल खोत होते.

 घाटगे पुढे म्हणाले,कागल,गडहिंग्लज-उत्तूर विभागातील आमच्या कुटुंबातील सदस्यांच्या सुखदुःखात आम्ही सातत्याने सहभागी होत आहोत.या सदस्यांच्या अडीअडचणी सोडवण्यास नेहमीच प्राधान्य दिले आहे.त्यांना विविध शासकीय योजनेचे लाभ मिळवण्यासाठी कोणत्याही नेत्याच्या दारात हेलपाटे मारावे लागू नयेत.म्हणून आम्ही त्यांच्या दारात जाऊन थेट लाभ दिले आहेत. हे लाभ आणखी मोठ्या प्रमाणात सहजपणे विनासायास मिळवून देण्यासाठी येत्या विधानसभेच्या निवडणुकीत लोकप्रतिनिधी म्हणून काम करण्याची संधी द्या.

  यावेळी किरण चिखले,प्रदीप खोत,रवींद्र खोत,श्रीकांत भोरे यांनीही मनोगत व्यक्त केले.

 कार्यक्रमास कृष्णात संकपाळ,श्रीकांत खोत, अनिल संकपाळ,शितल खोत,सुजाता खोत,सुषमा भोरे,संगिता शिंदे,माधुरी देवमाने,विशाल शिंदे,शरद खोत,वैशाली खोत,पांडुरंग सुतार,संतोष शिंदे,निलेश खाडे,महादेव कदम,दिलीप भानूसे,निशांत मेढे,संभाजी निकम,सुभाष दळवी,आदींसह मान्यवर उपस्थित होते.

 युवराज खोत यांनी स्वागत केले.विश्वनाथ संकपाळ यांनी आभार मानले.