घोटाळ्यांवर घोटाळा..! कश्मिरा पवाराच नेमकं प्रकरण काय?

सातारा प्रतिनिधी: सातारा पोलिसांनी कश्मिरा पवार आणि तिचा प्रियकर गणेश गायकवाड यांना बुधवारी अटक केली.  हे दोघेही फसवणूक आणि खोट्या दाव्यांमुळे पोलिसांच्या रडारवर आले होते. 

याबद्दलची सविस्तर माहिती पुढीलप्रमाणे : कश्मिरा पवार हे दावे करत होती की, तिची थेट नियुक्ती पंतप्रधान नरेंद्र मोदी आणि तत्कालीन राष्ट्रपती रामनाथ कोविंद यांनी केली आहे. तसेच, ती पंतप्रधान कार्यालयाची (PMO) सल्लागार असल्याचे सांगत होती. कश्मिरा पवार आणि गणेश गायकवाड यांनी या खोट्या दाव्यांचा वापर करून अनेकांना फसवले. या प्रकरणात त्यांनी लोकांकडून आर्थिक लाभ घेतले असल्याचे आरोप आहेत.

सातारा पोलिसांनी या प्रकरणाचा तपास करून बुधवारी कश्मिरा पवारला अटक केली. तिच्यासोबत या घोटाळ्यातील सहआरोपी गणेश गायकवाड यालाही अटक करण्यात आली आहे. पोलिसांनी या प्रकरणात अनेक पुरावे गोळा केले आहेत, ज्यामुळे ही फसवणूक उघडकीस आली. 

फसवणुकीचा नेमका  प्रकार काय ? 

पवार आणि गायकवाड यांनी खोट्या ओळखपत्रांचा वापर करून आणि उच्च पदस्थ व्यक्तींचे नाव घेऊन लोकांना फसवले. त्यांनी सरकारी योजनांमध्ये विशेष सवलती मिळवून देण्याचे आश्वासन दिले होते.पोलिसांनी दोन्ही आरोपींच्या विरोधात गुन्हा दाखल केला आहे. त्यांची चौकशी सुरू आहे आणि अधिक तपशील गोळा करण्याचे काम चालू आहे. सातारा पोलिसांनी याप्रकरणी कठोर कारवाई करून दोषींना न्यायालयात हजर केले आहे. या घटनेमुळे लोकांनी अशा खोट्या दाव्यांना बळी पडू नये म्हणून सतर्क राहावे असा संदेश प्रशासनाच्या वतीने देण्यात आला.