जिल्हा परिषद कोल्हापूर येथे महाराष्ट्र दिन उत्साहात साजरा

कोल्हापूर - जिल्हा परिषद कोल्हापूर मुख्यालयाच्या प्रांगणात महाराष्ट्र दिन मोठ्या उत्साहात साजरा करण्यात आला. यावेळी जिल्हा परिषदेचे मुख्य कार्यकारी अधिकारी तथा प्रशासक कार्तिकेयन एस. यांच्या हस्ते सकाळी ध्वजारोहण करण्यात आले. यानंतर उपस्थितांनी राष्ट्रगीत आणि राज्यगीत गायन केले. जि.प. कर्मचारी कलामंचच्या वतीने देशभक्तीपर गीत गायन करण्यात आले. 

यावेळी अति. मुख्य कार्यकारी अधिकारी संतोष जोशी, जिल्हा ग्रामीण विकास यंत्रणा प्रकल्प संचालक सुषमा देसाई, सामान्य प्रशासन विभागाच्या उप मुख्य कार्यकारी अधिकारी  मनीषा देसाई , उप मुख्य कार्यकारी अधिकारी (ग्रामपंचायत) अरुण जाधव, प्रकल्प संचालक (जलजीवन मिशन) तथा उप मु.का.अ. (पाणी व स्वच्छता) माधुरी परिट, मुख्य लेखा व वित्त अधिकारी  अतुल आकुर्डे,  कार्यकारी अभियंता (बांधकाम) सचिन सागांवकर, कार्यकारी अभियंता (ग्रा.पा.पु.) अर्जुन गोळे , माध्यमिक शिक्षणाधिकारी एकनाथ आंबोकर, जिल्हा कार्यक्रम अधिकारी (महिला व बालविकास) शिल्पा पाटील, जिल्हा आरोग्य अधिकारी डॉ.अनिरूध्द पिंपळे, जिल्हा पशुसंवर्धन अधिकारी डॉ. प्रमोद बाबर., उप मुख्य लेखा व वित्त अधिकारी अरुणा हसबे, आदी मोठ्या संख्येने उपस्थित होते.