लोकराज्य जनता पार्टीचा मेळावा कोल्हापूर संपन्न, आगामी सर्व निवडणुका स्वबळावर लढवण्याचा निर्धार

कागल प्रतिनिधी - सुभाष भोसले

 कोल्हापूर... लोकराज्य जनता पार्टीच्या कार्यकर्त्यांचा संवाद मेळावा आज कोल्हापुरात संपन्न झाला. यामध्ये पक्ष नेत्यांनी संघटन बळकट करण्याबरोबरच सर्वसामान्यांच्या हक्कासाठी लढण्याचा निर्धार करण्यात आला.

कोल्हापुरातील शाहू स्मारक भवनमध्ये राष्ट्रीय अध्यक्ष अनिल चव्हाण यांच्या अध्यक्षतेखाली आणि जिल्हाध्यक्ष पी.के. पाटील अण्णा यांच्या प्रमुख उपस्थितीत लोकराज्य जनता पार्टीच्या कार्यकर्त्यांचा संवाद मेळावा संपन्न झाला. यामध्ये बोलताना लोकराज्य जनता पार्टीचे राष्ट्रीय अध्यक्ष अनिल चव्हाण म्हणाले, सर्वसामान्यांच्या हक्कासाठी... हे ब्रीद घेऊन समाजकारणात हा पक्ष उतरला आहे.पक्ष संघटन बळकट करण्यासाठी गाव तिथं शाखा आणि घर तिथं कार्यकर्ता हा उपक्रमही राबवण्याचं निश्‍चित केलं असल्याचे अनिल चव्हाण यांनी जाहीर केले. आगामी सर्व निवडणुकांमध्ये लोकराज्य जनता पार्टी आपली ताकद आजमावणार असल्याचं त्यांनी जाहीर केले . महिला आघाडीच्या जिल्हा कार्याध्यक्ष उज्ज्वलाताई झेंडे यांचंही यावेळी भाषण झालं. त्यांनी राज्य शासनाकडून उपलब्ध असणार्‍या महिलांविषयक कल्याणकारी योजना आणि उपक्रमांचा लाभ मिळवून दिला जाईल, अशी ग्वाही दिली. यावेळी पुणे जिल्हा अध्यक्ष विलास चव्हाण,विजय केसरकर, पी.के.पाटील,अमोल कांबळे,राहुल धुळे यांची भाषणे झाली.महेश कांजर, शाहीन बारगीर यांच्यासह काही कार्यकर्त्यांचे पक्षप्रवेश यावेळी झाले. मेळाव्याला विलास चव्हाण, विजय केसरकर, अमोल कांबळे यांच्यासह कार्यकर्ते पदाधिकारी उपस्थित होते. सूत्रसंचालन सुभाष भोसले यांनी केले.आभार संतोष बिसुरे यांनी मानले.