सलमान खानचा धक्कादायक खुलासा, 'बिग बॉस शो'ला करणार रामराम ?

मुंबई : बहुचर्चित बिग बॉसच्या १८ व्या सीझनचा कालच अंतिम सोहळा पार पडला. ६ ऑक्टोबर ते १९ जानेवारी असा १०७ दिवसांचा हा बिग बॉसचा १८वा सीझन होता. करणवीर मेहराने बिग बॉस १८चं पर्व जिंकलं. तर विवियन डिसेना रनर अप ठरला. सलमान खान गेल्या १४ वर्षांपासून बिग बॉसचं होस्टिंग करतोय. या सीझनचंही होस्टिंग त्यानेच केलं होतं. सलमानच्या होस्टिंगचं त्याच्या चाहत्यांना वेड आहे. अशातच आता बिग बॉस १८च्या महाअंतिम फेरीत सलमानने धक्कादायक खुलासा केला आहे.

बिग बॉस १८च्या महाअंतिम फेरीत सलमानने यापुढे बिग बॉस होस्ट करणार नाही. हे ऐकून शोमधील सहभागी कलाकार आणि प्रेक्षकांना धक्काच बसला. पण सलमानची मस्करी करण्याची सवय पूर्वीपासून आहेच. त्याचप्रमाणे सलमान मस्करीमध्ये म्हणाला की, 'फायनलिस्टला असं वाटत असेल इथपर्यंत आलात म्हणजे आता कोण हरलं कोण जिंकलं काही फरक पडत नाही. पण ते असं नसतं.' हे ऐकून सगळेच हसायला लागले. तो पुढे म्हणाला, 'बिग बॉसच्या घरात प्रत्येक दिवस अवघड असतो. टॉप ६ पर्यंत पोहोचलेल्या सर्वांचाच मला अभिमान आहे. 

काय म्हणाला सलमान ? 

मी सुद्धा शोचे १५-१६ सीझन होस्ट केले आहेत. पण आता पुढचा सीझन करणं शक्य नाहीये.' 'मी खूप खूश आहे. आज स्टेजवर येण्याचा माझा शेवटचा दिवस आहे. विजेत्याचा हात उचलण्याची आणि माझी जबादारी पूर्ण करण्याची मी वाट पाहतोय.' असं सलमान पुढे म्हणाला. मात्र, सलमानच्या या वक्तव्यानंतर तो खरंच नेहमीप्रमाणे मस्करीत म्हणालाय की, खरंच तो हा शो सोडणार आहे याबद्दल प्रेक्षकांच्या मनात शंका निर्माण झालीये.

सिक्युरिटी गार्डसह भाईजान सेटवर 

दरम्यान, गेले काही महिने सलमानसाठी खूप कठीण गेले आहेत. त्याची प्रकृती, लॉरेन्स बिश्नोईकडून जीवे मारण्याच्या धमक्या या सगळ्यामुळे सलमानचं कुटुंब चिंतेत आहेच. बिग बॉस १८ हा शो सुरू असताना सलमानला लॉरेन्स बिश्नोईकडून धमक्या आल्या होत्या. मात्र, भाईजानने सिक्युरिटी गार्डसह सेटवर पोहचून या शोचं शूटिंग केलं आहे.