सेनापती कापशी तील रानडे विद्यालयात मंगळवारी डॉ . वसंत हंकारे यांचे बाप समजून घेताना या विषयावर व्याख्यान

सेनापती कापशी: शिक्षण प्रसारक मंडळ कोल्हापूर, संचलित न्यायमूर्ती रानडे विद्यालय व ज्युनि. कॉलेज कापशी येथे युवा व्याख्याते, समाज परिवर्तनकार , आनंदी जीवनाचे साधक, लाईफ कोच , राष्ट्र भूषण पुरस्कार विजेते डॉ . वसंत हंकारे सर यांचे बाप समजून घेताना या विषयावर हृदयस्पर्शी व डोळ्यात पाणी आणणारे व्याख्यान मंगळवार दिनांक 14 जानेवारी रोजी सकाळी ठीक नऊ वाजता शाळेच्या क्रीडांगणावरती आयोजित करण्यात आले आहे .

      हंकारे यांनी विविध विषयांवर महाराष्ट्रात तब्बल पाच हजाराहून अधिक व्याख्याने दिली आहेत .सध्या समाजात बाप आणि मुला -मुलींमध्ये होत असलेला दुरावा दूर करणे . त्यांच्या मध्ये निखळ आनंद निर्माण करणे. मुला - मुलींमध्ये , युवक -युवतींना आई - बापाची भूमिका समजावून देणे . नात्यांमध्ये गुंफण निर्माण करणे हा उद्देश असून या व्याख्याना चा लाभ शाळेचे आजी -माजी विद्यार्थी ,पालक कापशी पंचक्रोशीतील युवक - युवतींनी घ्यावा असे आवाहन मुख्याध्यापक संभाजीराव माने , पर्यवेक्षक यशवंत यादव व शाळा प्रशासनाने केले आहे .