घाबरलयं, घाबरलयं! मोदी सरकार घाबरलयं! खा. संजय सिंह यांच्या ईडी अटके विरोधात आप ची निदर्शने

कोल्हापूर प्रतिनिधी 

कोल्हापूर,आम आदमी पार्टीचे राज्यसभा खा. संजय सिंह यांना कथित मद्य घोटाळ्याप्रकरणी ईडी ने बुधवारी अटक केली. या अटकेचे पडसाद कोल्हापुरात उमटले. आप कार्यकर्त्यांनी छ. शिवाजी चौक येथे जमून मोदी सरकारच्या विरोधात जोरदार घोषणाबाजी करत निदर्शने केली.

घाबरलयं, घाबरलयं! मोदी सरकार घाबरलयं!, मुस्कटदाबी करणाऱ्या मोदी सरकारचा धिक्कार असो या घोषणांनी परिसर दुमदूमला होता.

केंद्र सरकारच्या विरोधात बोलणाऱ्यांची मुसकटदाबी केली जात आहे. खा. संजय सिंह हे मोदी सरकारच्या विरोधात सातत्याने बोलत होते, त्यामुळेच त्यांना खोट्या आरोपांखाली अटक केली आहे. विरोध करणाऱ्यांना अटक करायची, व ज्यांच्यावर भ्रष्टाचाराचे आरोप केलेत त्यांना सत्तेत सामील करून घेत मांडीवर घ्यायचे अशी टीका आप शहराध्यक्ष उत्तम पाटील यांनी केली.

यावेळी अभिजित कांबळे, संजय साळोखे, किरण साळोखे, मोईन मोकाशी, विजय हेगडे, दुष्यन्त माने, प्रसाद सुतार, अमरसिंह दळवी, समीर लतीफ, डॉ. कुमाजी पाटील, उमेश वडर, संजय नलवडे, इस्थेर कांबळे, विलास पंदारे, सदाशिव कोकितकर, रवींद्र राऊत, दीपक नंदवानी, आनंदराव वनिरे, रणजित पाटील, आदित्य पोवार, शकील मोमीन, प्रकाश हरणे, महेश घोलपे, दिलीप पाटील आदी उपस्थित होते.