Chattisgad Crime: ...अन् त्याने पत्नीला दुसऱ्या मजल्यावरून फेकले, रायपुरमधील धक्कादायक घटना
majhamaharashtra 
छत्तीसगड :छत्तीसगड मधील रायपूरमध्ये एक धक्कादायक घटना घडली आहे. चक्क रागाच्या भरात एका पतीने आपल्या पत्नीला दुसऱ्या मजल्यावरून खाली फेकून दिले. या घटनेमध्ये महिला ही गंभीर जखमी झाली असून तिच्यावर रूग्णालयात उपचार सुरू आहेत.सुनील जगबंधू असे आरोपी पतीचे नाव आहे. ही घटना छत्तीसगडमधील रायपुरमधील गुढियारी पोलीस स्टेशन हद्दीतील विकास नगर परिसरातील आहे.
जेवण मागीतल्यावर दुर्लक्ष केले म्हणून खाली फेकले
पतीने अगोदर पत्नीला जेवण मागितले. मात्र, तिने दुर्लक्ष करत मोबाईल घेतला. यानंतर पतीला इतका राग आला की, पत्नीला मारहाण केली आणि दुसऱ्या मजल्यावरून फेकले. या घटनेची माहिती सांगताना पोलिस अधिकाऱ्याने सांगितले की, सुनीलची पत्नी सपना ही कामावरून घरी आली होती, त्यावेळी पती हा मुलीला मारत होता. सपना मोबाईल घेऊन बसली असता त्याने तिला जेवण मागितले. पण सपनाने पतीच्या म्हणण्याकडे दुर्लक्ष केले. पत्नी जेवायला देत नसल्याचे पाहून पतीला प्रचंड राग आला आणि त्याने तिला मारहाण करण्यास सुरूवात केली.
मारहाणीत सपनाला सुनील याने थेट दुसऱ्या मजल्यावरून खाली फेकले. ज्यामध्ये ती गंभीर जखमी झाली. सपनावर सध्या रायपुरच्या डीकेएस मल्टी स्पेशियलिटी हॉस्पिटलमध्ये उपचार सुरू आहेत. या घटनेची माहिती मिळताच पोलिसांनी घटनास्थळ गाठले. आरोपी घरीच होता. पोलिसांनी सुनील याला अटक केलीये. पोलिस सुनीलची चौकशी करत आहेत. पोलिसांकडून याप्रकरणी अधिक तपास हा केला जात आहे.
