एक दिवस राष्ट्रवादीसाठी या अभियानाचे 26 मार्च रोजी आयोजन

कोल्हापूर:  26 मार्च 20 25 रोजी कोल्हापूर जिल्हा राष्ट्रवादी काँग्रेस पार्टीच्या सर्व तालुका अध्यक्ष, जिल्हा कार्यकारणी सर्व सेल अध्यक्ष, शहर कार्यकारणी यांची बैठक, मार्गदर्शन, सूचना, अशी एकत्रित बैठक होणार असून एक दिवस राष्ट्रवादीसाठी हा अभियान राबवण्यात येणार आहे. 26 मार्च 20 25 रोजी सकाळी 11 वाजता महालक्ष्मी हॉल, जिल्हा परिषद कर्मचारी सोसायटी साईक्स एक्सटेन्शन शाहूपुरी येथे बैठकीचे आयोजन करण्यात आले आहे.

सर्व पदाधिकाऱ्यांचे मनोगत ऐकून घेतल्यानंतर प्रदेश कार्यालयाला त्याचा अहवाल पाठवण्यात येणार आहे. तरी सर्व तालुका अध्यक्ष जिल्हा कार्यकारणी शहर कार्यकारणी सर्व सेल अध्यक्ष यांनी वेळेवर उपस्थित राहावे असे आवाहन जिल्हा कार्याध्यक्ष अनिल घाटगे यांनी केले आहे. 

या बैठकीला प्रमुख मार्गदर्शक म्हणून जिल्हा अध्यक्ष व्ही. बी. पाटील, शहराध्यक्ष आर. के.पोवार, शाहू ग्रुपचे अध्यक्ष राजे समरजितसिंह घाटगे, नंदादेवी बाभुळकर, मदन कारंडे, प्रदेश पदाधिकारी तसेच इतर मान्यवर उपस्थित राहून मार्गदर्शन करणार आहेत.