छावा चित्रपटाचा जगभर डंका, कमावले 'इतके' कोटी

माझा महाराष्ट्र ऑनलाईन : 'छावा' चित्रपटासाठी विकी कौशलने खूप मेहनत घेतली आहे. त्याने तासनतास कठोर परिश्रम केले आहेत आणि पात्रानुसार एक अद्भुत परिवर्तन घडवून आणले आहे. आणि त्याच्या कष्टाचे चीज झाले आहे. हा चित्रपट काल व्हॅलेंटाईन डे, १४ फेब्रुवारी रोजी थिएटरमध्ये प्रदर्शित असून बॉक्स ऑफिसवर हा चित्रपट तूफान हिट झाला आहे. या चित्रपटाने केवळ भारतीय बॉक्स ऑफिसवरच नव्हे तर जगभरात चांगली कमाई केली आहे.

भारतीय बॉक्स ऑफिसवर 'इतकी' केली कमाई 

लक्ष्मण उतेकर दिग्दर्शित 'छावा' हा चित्रपट संभाजी महाराजांच्या जीवनावर आधारित आहे. या चित्रपटात विकी कौशलसोबत रश्मिका मंदान्ना प्रमुख  भूमिकेत आहे. विकीने संभाजी महाराजांची भूमिका साकारली आहे, तर रश्मिका त्यांच्या पत्नी येसूबाईच्या भूमिकेत दिसते. या चित्रपटाने पहिल्या दिवशी भारतीय बॉक्स ऑफिसवर ₹३३.१ कोटींची कमाई केली आहे.

जगभरात छावाचा 'डंका'  

मॅडॉक फिल्म्सच्या बॅनरखाली बनवलेल्या 'छावा' चित्रपटाचे बजेट  सुमारे १३० कोटी रुपये आहे. त्याच्या बजेटचा विचार करता, त्याने पहिल्या दिवशी जबरदस्त कमाई केली आहे. हा चित्रपट बॉक्स ऑफिसवर पुढेही जबरदस्त कमाई करणार हे स्पष्ट दिसून येतंय. 'छावा'ने जगभरातील बॉक्स ऑफिस कलेक्शनमध्येही चमत्कार दाखवला आहे. निर्मात्यांनी जाहीर केलेल्या अधिकृत आकडेवारीनुसार, चित्रपटाने पहिल्या दिवशी जगभरात सुमारे ५० कोटी रुपये अशी तूफान कमाई केली आहे. 

'या' कलाकारांनी साकारल्या आहेत भूमिका 

विकी कौशल आणि रश्मिका मंदान्ना व्यतिरिक्त, चित्रपटात अक्षय खन्ना, आशुतोष राणा, नील भूपालम, विनीत सिंग, डायना पेंटी आणि दिव्या दत्ता यांच्याही भूमिका आहेत. या चित्रपटात अक्षय खन्ना औरंगजेबाच्या भूमिकेत दिसला आहे. 'छावा' हा चित्रपट विकी कौशलच्या कारकिर्दीतील सर्वात मोठा ओपनर ठरला आहे.