तमन्ना भाटिया आहे तिच्या बॉयफ्रेंडपेक्षाही श्रीमंत , एका डान्स परफॉर्मन्ससाठी घेतलेलं इतकं मानधन
majhamaharashtra
मुंबई: तमन्ना भाटिया ही साऊथ चित्रपट सृष्टीतील प्रसिद्ध अभिनेत्री आहे. तिने आजवर अनेक चित्रपटात महत्वाच्या भूमिका साकारल्या आहेत. तमन्ना भाटिया ‘स्त्री २’ या चित्रपटात झळकली. यातलं तिच्यावर चित्रित झालेलं ‘आज की रात’ हे आयटम साँग गाजलं. छोटीशी भूमिका आणि गाणं असलं, तरी गाजलेल्या चित्रपटाचा सिक्वेल असल्यानं तमन्ना या चित्रपटात काम करायला तयार झाली. या एका गाण्यासाठी तिनं कोट्यवधीची मानधन घेतल्याचं म्हटलं जात आहे.
साऊथ इंडस्ट्रीतल्या लोकप्रिय अभिनेत्रींपैकी तमन्ना एक आहे. तिचा जन्म २१ डिसेंबर १९८९ रोजी झाला. वयाच्या १६ व्या वर्षी २००५मध्ये तिनं सिनेइंडस्ट्रीत एन्ट्री केली. 'चांद सा रोशन चेहरा' हा तिचा पहिला हिंदी सिनेमा. यानंतर ती साऊथ इंडस्ट्रीत रमली.सर्वात जास्त मानधन घेणाऱ्या अभिनेत्रींच्या यादीत तमन्नाचं नाव आहे.तमन्ना भाटियाचं एकूण नेटवर्थ १२० कोटींच्या घरात आहे. कमाईच्या बाबतीत ती तिचा बॉयफ्रेंड विजय वर्माच्याही पुढे आहे.
१० मिनिटांचा डान्स परफॉर्मन्स करण्यासाठी घेतलं तब्बल इतकं मानधन
रिपोर्ट्सनुसार २०१८च्या आयपीएल ओपनिंग सेरेमनीमध्ये १० मिनिटांचा डान्स परफॉर्मन्स करण्यासाठी तिनं ५० लाखांचं मानधन घेतलं होतं. तर तिची संपत्तीही स्टार अभिनेत्यांपेक्षा कमी नाहीये. तमन्नानं मुंबईतही बरीच प्रॉपर्टी खरेदी केली आहे. मुंबईत जुहू परिसरात तिच मोठ्या इमारतीत १४ व्या मजल्यावर अलिशान फ्लॅट आहे. या फ्लॅटची किंमत तब्बल १६ कोटींच्यावर आहे. तर अंधेरी वेस्टमध्येही तिचे फ्लॅट्स आहेत. तसंच तिची हैदराबादमध्येही प्रॉपर्टी असल्याचं म्हटलं जातं.
गाड्यांचही आहे कलेक्शन
तमन्ना भाटियाला गाड्यांचीही आवड आहे. तिच्या कडे बीएमडब्ल्यू 320i ही अलिशान कार आहे. या कारची किंमत ४३.५० लाखांच्या घरात आहे. शिवाय मर्सिडीज-बेंज जीएलई ही अलिशान कार तिच्या ताफ्यात आहे. या कारची किंमत तब्बल एक कोटींच्या वर आहे. इतकंच नाही तर मित्सुबिशी पजेरो स्पोर्ट, ज्याची किंमत ३० लाखांच्या घरात आहे, ही कारही तमन्नाकडे आहे. तर रेंज रोव्हर डिस्कव्हरी देखील तिच्याकडे आहे, या कारची किंमत ७५ लाखांच्या घरात आहे.
नुसती गाणी नकोत, चांगल्या भूमिकाही साकारायच्या आहेत
‘आज की रात’नंतर आता आपल्याला आयटम साँग्जसाठी विचारू नका, असं तिचं म्हणणं असल्याचं कळतंय. एखादी अभिनेत्री अशा गाण्यात झळकली, की तिला अनेकदा तशीच गाणी ऑफर होतात. हे गाणं गाजल्यावर तमन्नालाही अशाच चार-पाच गाण्यांच्या ऑफर आल्या. नुसती गाणी नकोत, तर चांगल्या भूमिका मला साकारायच्या आहेत आणि चाहत्यांच्या लक्षात राहील असं काम करायचं असल्याचं तमन्ना सांगते.
