दिल्लीतून उपमुख्यमंत्री शिंदे थेट कुंभमेळ्यात, करणार पवित्र स्नान

मुंबई : दिल्लीत काल राज्याचे उपमुख्यमंत्री एकनाथ शिंदे यांनी देशाचे गृहमंत्री अमित शहा यांची घेतलीये. काही दिवसांपासून एकनाथ शिंदे नाराज असल्याच्या चर्चा रंगल्या आहेत. आता दिल्लीवरून ते थेट प्रयागराजला जाणार आहेत. विशेष म्हणजे यावेळी त्यांच्यासोबत खासदार आणि आमदार देखील असणार आहेत. यावेळी शिंदे हे महाकुंभमध्ये पवित्र स्नान करणार आहेत. काही दिवसांपूर्वीच कुंभमेळ्यात मुख्यमंत्री देवेंद्र फडणवीस हे पोहोचले होते. यावेळी त्यांनी तिथे पूजा करत पवित्र्य स्नान केले.

शिंदे थेट प्रयागराजमध्ये होणार दाखल 

कुंभमेळ्यात देशाचे पंतप्रधान नरेंद्र मोदी आणि अनेक राजकीय लोकांनी पवित्र स्नान केले. भाविकांनी मोठी गर्दी सध्या कुंभमेळ्यात केल्याचं  बघायला मिळतंय. देशाच्या कानाकोपऱ्यातून भाविक प्रयागराजला पोहोचत आहेत. देवेंद्र फडणवीस यांच्यासह राज्यातील अनेक नेते कुंभमेळ्यात पोहोचले. आता शिंदे हे देखील प्रयागराजला पोहोचणार आहेत . 

अमित शहा आणि एकनाथ शिंदे यांची दिल्लीत भेट

एकनाथ शिंदे नाराज असल्याने दिल्ली दौऱ्यावर गेल्याचे सांगितले जात होते. अमित शहा यांनी त्यांची समजूत काढल्याचे देखील सांगितले जाते. या भेटीबद्दल बोलताना उदय सामंत यांनी म्हटले होते की, एकनाथ शिंदे साहेबांची अमित शाह यांच्यासोबत बैठक राज्यातील विकासकामांबद्दल होती. केंद्रातून राज्यात निधी कसा जास्तीत जास्त आणायचा यासाठी ती बैठक होती.