नाम.चंद्रकांतदादा पाटील यांचा वाढदिवस : 65 हजार वृक्ष लागवडीचा व संगोपनाचा सामाजीक उपक्रमांचा

कोल्हापूर (प्रतिनिधी) : 10 जून हा  नाम.चंद्रकांतदादा पाटील यांचा वाढदिवस, दरवर्षी एक अभिनव सामाजिक उपक्रमाच्या माध्यमातून साजरा होत असतो.  यावर्षी दादांच्या 65 व्या वाढदिवसाच्या निमित्ताने पुणे, कोल्हापूर, अमरावती, सोलापूर, मुंबई यासह राज्यातील अनेक ठिकाणी 65 हजार वृक्ष लागवडीचा व संगोपनाचा संकल्प करण्यात आला आहे. आज दिनांक १० जून रोजी नाम. चंद्रकांतदादा पाटील हे कोथरूड पुणे येथे असून भाजपा पुणे पदाधिकारी व कार्यकर्ते यांनी आयोजित केलेल्या सामाजिक कार्यक्रमांना उपस्थित राहून वृक्ष लागवड करून आपला वाढदिवस साजरा करतील. उद्या मंगळवार दिनांक ११ जून रोजी कोल्हापूर जिल्ह्यातील या वृक्ष संवर्धनाचा पहिला टप्पा म्हणून  नाम.चंद्रकांतदादा पाटील व विविध मान्यवरांच्या उपस्थितीमध्ये सकाळी ठीक आठ वाजता शेंडा पार्क येथील ग्राउंड वर वृक्षारोपण करण्यात येणार आहे.