राजारामपुरीत भर दिवसा युवकाचा खून:परिसरात खळबळ

कोल्हापूर (प्रतिनिधी): राजारामपुरी येथील दीपा गॅस एजन्सी जवळ एक धक्कादायक घटना घडली आहे. आज दुपारी साडेतीन वाजण्याच्या सुमारास पंकज भोसले नावाच्या युवकाचा काठी आणि दगडाने ठेचून खून करण्यात आला आहे. या घटनेमुळे परिसरात मोठी खळबळ उडाली आहे. शहर पोलीस उपाधीक्षक अजित टिके आणि राजारामपुरी पोलिस निरीक्षक अनिल तनपुरे यांच्यासह पोलीस घटनास्थळी दाखल झाले असून पंचनामा करण्याचे काम सुरू आहे. कनान नगर परिसरात राहणाऱ्या तरुणांनीच हा हल्ला केल्याची प्राथमिक माहिती मिळाली आहे. या घटनेची सखोल चौकशी सुरू असून, हल्ल्याचे कारण अद्याप स्पष्ट झालेले नाही. तपासानंतरच अधिक माहिती समोर येईल.