एस. के. गँग कोल्हापुरातून १ वर्षासाठी हद्दपार

कोल्हापूर (प्रतिनिधी) - कोल्हापूर जिल्हयातील सामाजिक हिताला बाधक व धोकादायक ठरणा-या गुन्हेगारीचे समूळ उच्चाटणासाठी गुन्हेगारावर तसेच गुन्हेगारी टोळयांवर एमपीडीए तसेच हद्दपारीची कारवाई करण्याबाबत पोलीस अधीक्षक योगेश कुमार गुप्ता यांनी जिल्हयातील सर्व पोलीस ठाणे प्रभारी अधिकारी यांना आदेश दिले. दिलेल्या आदेशानुसार १ वर्षासाठी एस. के. गँग कोल्हापुरातून हद्दपार केली आहे. 

कोल्हापूर शहर व कोल्हापूर जिल्ह्याचे परिसरामध्ये सार्वत्रिक हितास बाधक अशा स्वरुपाचे अवैध गुन्हयांना परिणाम देणा-या कावळा नाका परिसरातील कुख्यात असलेल्या संघटीत गुन्हेगारी टोळीचा टोळी प्रमुख साजन अशोक कुचकोरवी वय-२९ रा. कावळा नाका, जाबदार टोळीचे सदस्य बालाजी चंद्राप्पा कुंचिकोरवी वय ३१ रा. कावळा नाका, देवा उर्फ देवेद्रं काळु जोंधळे, वय-२४ रा. कावळा नाका, विशाल विजय जगदाळे, वय-२४ रा.शिवाजीपार्क, अशिष कन्हैया पवार वय-२४ रा. कावळा नाका, संजय नागाप्पा कुचकोरवी वय २७ रा.कावळा नाका, रोहित राजु जोंधळे वय-२५ रा. कावळा नाका, संग्राम दिपक पवार वय-२३, रा. कावळा नाका, अजय दुर्गा माने वय-३० रा. कोल्हापूर, रोहित गोरखनाथ माने वय-२७, रा. कावळा नाका, श्रीकांत उर्फ विवेक दशरथ कुचकोरवी वय २२ रा.सदर, करण यल्लाप्पा कुचकोरवी वय-३१, रा. कावळा नाका, युवराज नागेश चौगले वय २२ रा. कावळा नाका, सुमित यल्लाप्पा माकडवाले वय २० रा. कावळा नाका, सिध्दार्थ संतोष कुचकोरवी वय २० रा. कावळा नाका, अलोक राजु कुचकोरवी वय २० रा. कावळा नाका, दिपक मलिक माने वय २४ रा. कावळा नाका या टोळीच्या वाढत्या गुन्हेगारीला आळा घालण्यासाठी व टोळीच्या परिसरातील वास्तव्यामुळे बाधीत झालेले सामाजिक स्वास्थ पुनःप्रस्थापित करण्यासाठी शाहूपुरी पोलिसांनी पोलीस अधीक्षक तथा हद्दपारी प्राधिकारी सारे यांचेकडे सादर केला होता.

कोल्हापूर जिल्हयाचे हद्दपारी प्राधिकारी तथा पोलीस अधीक्षक यांनी सदरच्या प्रस्तावांची निःपक्षपातीपणे चौकशी होण्याकरिता चौकशी अधिकारी म्हणून उपविभागीय पोलीस अधिकारी, इचलकरंजी विभाग यांची नियुक्ती केली होती. त्यांनी चौकशीअंती अहवाल हद्दपारी प्राधिकारी तथा पोलीस अधीक्षक यांच्याकडे सादर केला होता. चौकशी अधिकारी यांनी चौकशी दरम्यान व त्यानंतर हद्दपार प्रधिकारी तथा पोलीस अधीक्षक, कोल्हापूर यांच्या समक्ष वेळावेळी घेण्यात आलेल्या सुनावणीवेळी टोळी प्रमुख व टोळी सदस्य यांना आपली बाजु मांडण्यासाठी नैसर्गिक न्यायतत्वास अनुसरून पुरेशी संधी व अवधी दिला होता. घेण्यात आलेल्या सुनावणीमध्ये त्यांनी निर्माण केलेल्या टोळीच्या माध्यमातुन टोळीच्या अवैध गुन्हेगारी कृत्यामुळे सर्वसामान्य नागरिक तसेच समाजामध्ये दहशत माजविणे व सामाजीक स्वस्थ्यास बाधा निर्माण करत असल्याचे स्पष्ट झाले आहे.

या टोळीच्या वाढत्या गुन्हेगारीला प्रतिबंध व्हावा, सार्वजनिक शांतता, सुव्यवस्था, नागरीकांचे जिवित व मालमत्तेची सुरक्षा असे सार्वत्रीक हित लक्षात घेवुन, हद्दपार प्रधिकारी तथा पोलीस अधीक्षक योगेश कुमार सारे यांनी १ जुलै रोजी टोळीच्या प्रमुखासह १७ इसमांना कोल्हापूर जिल्हयाचे हद्दीतुन एक वर्षाचे कालावधी करीता हद्दपारीचे आदेश पारित केले.

पोलीस निरीक्षक, शाहुपूरी पोलीस ठाणे यांनी पारित केलेल्या आदेशाची टोळी प्रमुख साजन अशोक कुचकोरवी, जाबदार टोळीचे सदस्य वालाजी चंद्राप्पा कुंचिकोरवी, देवा उर्फ देवेद्रं कालु जोंधळे, विशाल विजय जगदाळे, अशिष कन्हैया पवार, रोहित राजु जोंधळे, संग्राम दिपक पवार, रोहित गोरखनाथ माने, करण यल्लाप्पा कुचकोरवी, युवराज नागेश चौगले, सुमित यल्लाप्पा माकडवाले, सिध्दार्थ संतोष कुचकोरवी, अलोक राजु कुचकोरवी, दिपक मलिक माने यांना आदेशाची बजावणी केलेली असून उर्वरित जाबदार यांना आदेशाची बजावणी करणेचे काम सुरु आहे.

हद्दपार कारवाई केलेले इसम हे कोल्हापूर जिल्हयामध्ये कोणाला दिसून आल्यास नजीकच्या पोलीस ठाण्यास अथवा नियंत्रण कक्ष ०२३१-२६६२३३३ येथे संपर्क करुन माहिती द्यावी. माहिती देणा-याचे नाव गोपनीय ठेवले जाईल असे योगेश कुमार, पोलीस अधीक्षक, कोल्हापूर यांनी नागरीकांना आवाहन केले आहे.