मलकापूर शहरांमध्ये भर दिवसा दोन अज्ञात महिलांकडून १ लाख रु. लंपास

Feb 16, 2023 - 11:22

मलकापूर शहरांमध्ये भर दिवसा दोन अज्ञात महिलांकडून १ लाख रु. लंपास

मलकापूर प्रतिनिधी रोहित पास्ते

मलकापूर शहरात भर दिवसा दोन अज्ञात महिलांनी १ लाख रुपयाची रोकड पास केले. ही घटना मलकापूर मधील बुरुड गल्ली येथे घडली. यावेळी पोलिसांकडून मिळालेली माहिती, मंगल यशवंत चौगुले रा. कोपर्डे ता. शाहुवाडी या मलकापूर येथे असलेल्या बँकेतून पैसे काढून, प्लास्टिकच्या पिशवीमध्ये घेऊन ती पिशवी कापडी पिशवीत ठेवून त्या बुरुड गल्लीमधील त्यांच्या ओळखीच्या घरी जात असताना दोन अज्ञात महिलांनी फिर्यादीच्या कापडी पिशवीतील, प्लास्टिकच्या पिशवीमध्ये ठेवलेले पैसे चोरून नेले.

ही घटना बुधवार दिनांक 15 फेब्रुवारी 2023 रोजी सकाळी 11:20 च्या दरम्यान घडली. आरोपी महिला या अंदाजे वय - 30 ते 35, रंगाने गोरी व उंची ५ फूट, दुसरी महिला वय - 35 ते 40 रंगाने सावळी व उंची ४.५ फूट असे त्यांचे वर्णन असून यांचा तपास शाहुवाडी पोलीस ठाण्याचे एस. जी. काशीद करत आहेत.