बॉक्सिंग आयकॉन मेरी कोमचा होणार घटस्फोट ? ; बिजनेसमनला डेट करत असल्याच्या चर्चा
majhamaharashtra 
मुंबई: बॉक्सिंग आयकॉन मेरी कोम सध्या तिच्या वैयक्तिक आयुष्यामुळं चर्चेत आहे. मेरी कोमचा घटस्फोट होणार असल्याची चर्चा सुरू आहे. मेरी कॉम आणि तिचा पती करूंग ओंखोलर (ऑनलर) या दोघांनी आता २० वर्षाचा संसार संपवण्याचा निर्णय घेतल्याचं म्हटलं जातंय. २० वर्षांपूर्वी दोघांनी लग्न केलं, त्यांना चार मुलं आहेत. इतक्या वर्षात अनेक चढ-उतार दोघांनी पाहिले. पण आता दोघांच्या नात्यात दूरावा आला आहे.लवकरच दोघांच्या घटस्फोटाची कायदेशीर प्रक्रिया देखील पूर्ण होणार असल्याचं म्हटलं जातंय.
यशस्वी करिअर वैवाहिक आयुष्यात मात्र...
बॉक्सिंगच्या इतिहासात सहा जागतिक विजेतेपद पटकावणारी मेरी कोम ही पहिली महिला बॉक्सर आहे. पाच वेळा आशियाई चॅम्पियन २०१४ च्या आशियाई क्रीडा स्पर्धेत सुवर्णपदक जिंकणारी भारताची पहिली महिला बॉक्सर होती. अनुभवी बॉक्सरने लंडन २०१२ ऑलिम्पिक स्पर्धेत कांस्यपदक जिंकलं. यशस्वी करिअर असलेल्या मेरी कॉमच्या वैवाहिक आयुष्यात मात्र सर्वकाही अलबेल नसल्याचं समोर आलंय.
अशाही होताहेत चर्चा
तर घटस्फोटाच्या चर्चेदरम्यान मेरी कॉम एका उद्योगपतीसोबत नात्यात असल्याच्या चर्चांनाही उधाण आलंय. यासंदर्भात अद्याप कोणताही माहिती समोर आली नाहीये. मेरी कॉम ज्याला डेट करतेय तो एका महिला बॉक्सरचा पती असल्याचंही आता सोशल मीडियावर म्हटलं जात आहे.
