महिला दिनानिमित्त दीप प्रज्वलीत करताना शिक्षिका मिनल गुंजाळ व इतर शिक्षिका न्यू इंग्लिश स्कूल हळदीचे नेरूर विद्यालयात महिला दिन उत्साहात संपन्न

प्रतिनिधी-नारायण लोहार 

सिंधुदुर्ग-दि.8 मार्च रोजी न्यू इंग्लिश स्कूल हळदीचे नेरूर ता..कुडाळ जि.सिंधुदुर्ग या विद्यालयात जागतिक महिला दिन उत्साहात साजरा करण्यात आला. विद्यालयाची सांस्कृतिक मंञी कु.रेणुका गवस हिच्या हस्ते साविञीबाई फुले यांच्या प्रतिमेला पुष्पहार अर्पण करण्यात आला. दीप प्रज्वलन शाळेतील ज्येष्ठ शिक्षिका श्रीमती मिनल गुंजाळ,आदिती ढवळे,प्रफुल्लता सावंत,हर्षा आळवे,उज्ज्वला मार्गी व श्रुती वारंग यांच्या हस्ते करण्यात आले. महिला दिनाचे औचित्य साधून शाळेतील लिपिका प्रफुल्लता सावंत यांचा मुख्याध्यापक कोराणे सर यांच्या हस्ते सत्कार करण्यात आला. महिला दिनाचे महत्व प्रफुल्लता सावंत,मुख्याध्यापक कोराणे सर व समिर नाईक,मिनल गुंजाळ यांनी विशद केले. इयत्ता 9वी च्या वर्गाने महिला गीत सादर केले. इयत्ता 5वी ते 11वी मुलींनी विविध पदार्थाचे स्टाॅल लावले होते. शाळेतील मुलां-मुलींनी पदार्थ विकत घेऊन आस्वाद घेतला. तसेच साईराज वारंग,रेणुका गवस,प्रिया सावंत ,साक्षी परब,श्रावणीलगड व राऊळ यांनी रेकाॅर्ड डान्स सादर केला.शेवटी शिक्षिका आदिती ढवळे यांनी उपस्थित मान्यवरांचे व कार्यक्रमात सहभाग घेतलेल्या सर्व विद्यार्थ्यी-विद्यार्थ्यिनीचे आभार मानले.