मुख्य रस्त्यावरील दुकानाबाहेर लावलेल्या अतिक्रमणावर कारवाई

कोल्हापूर (प्रतिनिधी) - महापालिकेच्या अतिक्रमण निर्मुलन पथकामार्फत माळकर तिकटी ते बिंदू चौक व अजिंक्यतारा चौक ते आरटीओ ऑफीस मेन रोडवरील विना परवाना अनाधिकृत लावण्यात आलेल्या 9 पत्राशेड छपऱ्या, 2 केबीन व 12 हातगाड्यांवर कारवाई करुन त्या जप्त करण्यात आल्या. तर 10 हातगाड्या स्वत: हून मालकांनी काढून घेतल्या.

सदरची कारवाई प्रशासक के. मंजूलक्ष्मी, पोलीस अधिक्षक योगेशकुमार गुप्ता, अतिरिक्त आयुक्त राहुल रोकडे, शिल्पा दरेकर, सहा. आयुक्त स्वाती दुधाणे, शहर अभियंता रमेश मस्कर यांच्या मार्गदर्शनाखाली अतिक्रमण अधीक्षक विलास साळोखे, सहायक अधीक्षक प्रफुल्ल कांबळे, कनिष्ठ लिपीक सज्जन नागलोत, मुकादम रविंद्र कांबळे, अतिक्रमण, राजारामपुरी व गांधी मैदान विभागाकार्यालयाकडील कर्मचाऱ्यांमार्फत करण्यात आली. 

तरी येथून पुढेही शहरामध्ये अनधिकृत फेरीवाले व रोडवरील दुकाना बाहेर आलेल्या अनाधिकृत शेडवर कडक कारवाई करण्यात येणार आहे. त्यामुळे दुकान धारकांनी व फेरीवाल्यांनी आपले अनाधिकृत असलेले अतिक्रमण स्वत: काढून घ्यावे तसेच दुकानाबाहेर पार्कीग च्या ठिकाणी लावणेत आलेली स्टॕण्ड बोर्ड कोणीही लावू नये अन्यथा जप्त करणेत असे आवाहन महापालिकेच्या वतीने करण्यात आले आहे.