स्वप्निल कुसाळेला भविष्यात सर्वतोपरी सहकार्य-खास.धनंजय महाडिक

कोल्हापूर (प्रतिनिधि) : नेमबाजी क्रीडा प्रकारात कोल्हापूरच्या स्वप्नील कुसाळे या सुपुत्राने, ऑलिंपिक मध्ये कांस्यपदकाची कमाई केली. केवळ कोल्हापूरला नव्हे तर संपूर्ण देशाला स्वप्निल बद्दल अभिमान आहे. स्वप्निलच्या या उत्तुंग यशामुळे कोल्हापूरच्या शिरपेचात आणखी एक मानाचा तुरा खोवला आहे. स्वप्निल कुसाळेला आपल्याकडून भविष्यात सर्वतोपरी सहकार्य मिळेल अशी प्रतिक्रिया खासदार धनंजय महाडिक यांनी व्यक्त केली. पंतप्रधान नरेंद्र मोदी यांच्या नेतृत्वाखालील केंद्र सरकारने नेहमीच क्रीडा क्षेत्राला प्रोत्साहन आणि चालना देण्याची भूमिका घेतली आहे. त्यामुळेच भारताचे खेळाडू विविध क्रीडा प्रकारात उतुंग कामगिरी करत आहेत. कोल्हापूरची शान असलेल्या नेमबाज स्वप्नील कुसाळेला महाडिक यांनी अभिनंदन करून शुभेच्छा दिल्या.