'या' अभिनेत्रीने केलंय तिन्ही खानसोबत काम, ७ वर्षापासून आहे बॉलीवुडपासून दूर, तरीही 'इतक्या' कोटीची मालकीण

मुंबई : बॉलीवुडमध्ये काम करून अनेक अभिनेत्री स्टार झाल्या. अनेक हीट चित्रपट त्यांनी दिले. परंतु नंतर काही कारणास्तव त्यांनी बॉलीवुड मधून ब्रेक घेतला. अशीच एक अभिनेत्री आहे जिने शाहरुख खान, आमीर खान आणि सलमान खान अशा तीनही सुपरस्टार सोबत काम केलय. त्यांच्यासोबतचे तिचे चित्रपटही सुपर डुपर हिट आहेत. ही अभिनेत्री म्हणजे अनुष्का शर्मा. 

गेल्या ७ वर्षांत अनुष्का शर्माचा एकही चित्रपट प्रदर्शित झालेला नाही. अनुष्का शर्मा ही बॉलिवूडमधील एक आउटसाइडर अभिनेत्री आहे. अभिनय क्षेत्रात करिअर करण्यापूर्वी तिचा बॉलिवूडशी कोणताही संपर्क नव्हता. पण नशिबाने खेळ पालटला आणि अनुष्काला शाहरुख खानसोबतचा पहिला चित्रपट मिळाला. २००८ मध्ये प्रदर्शित झालेल्या 'रब ने बना दी जोडी ' या चित्रपटातून तिने अभिनयक्षेत्रात पदार्पण केलं. या सिनेमाने बॉक्स ऑफिसवर चांगलाच धुमाकूळ घातला आणि हा सिनेमा सुपरहिट ठरला. या चित्रपटाच्या यशामुळे अनुष्का शर्माला रातोरात प्रसिद्धी मिळाली. बॉलिवूडला एक नवीन टॉप हिरोईन मिळाली आणि त्यानंतर अनुष्काच्या करिअरने वेग घेतला. त्यानंतर तिने अनेक ब्लॉकबस्टर सिनेमे दिले.

२०१४ मध्ये अनुष्का शर्माने आमिर खानच्या 'पीके' चित्रपटात काम केलं होतं. यामध्ये आमिर खानने एका एलियनची भूमिका साकारली होती तर अनुष्का शर्मा पत्रकाराच्या भूमिकेत दिसली होती. ७६९.८ कोटी रुपयांच्या कमाईसह, 'पीके' हा चित्रपट ऑलटाइम ब्लॉकबस्टर ठरला.आमिर खाननंतर अनुष्काने सलमान खानसोबत २०१६ मध्ये 'सुलतान' सिनेमामध्ये मुख्य भूमिका साकारली. हा चित्रपटसुद्धा सुपरहिट झाला आणि या सिनेमाने जगभरात ६१४ कोटींची कमाई केली. भारतीय क्रिकेटपटू विराट कोहलीसोबत लग्न केल्यानंतर अनुष्काने अभिनयक्षेत्रातून ब्रेक घेतला असून ती सध्या तिच्या दोन्ही लेकरांच्या संगोपनाकडे लक्ष देत आहे.

तब्बल २५५ कोटींची मालकीण 

अनुष्का शर्माचा सात वर्षात एकही सिनेमा प्रदर्शित झाला नसला तरी, ती २५५ कोटींची मालकीण आहे. त्याचबरोबर तिच्याकडे रेंज रोव्हर वाॅग आणि BMW यांसारख्या आलिशान गाड्यासुद्धा आहेत.अनुष्का शर्मा चित्रपटाव्यतिरिक्त विविध जाहिरातीमधूनही बक्कळ पैसा कमावते.