बॉलीवुड गाजवायला आणखी एक येतोय 'स्टारकिड' ; करण जोहरने केली घोषणा

माझा महाराष्ट्र ऑनलाईन : सैफ अली खानच्या लेकाबाबत एक मोठी बातमी समोर येत आहे. ते म्हणजे सैफ अली खानचा मोठा मुलगा इब्राहिम अली खान लवकरच करण जोहरच्या सिनेमातून पदार्पण करतोय. करणने इन्स्टाग्रामवर पोस्ट शेअर करुन याबाबतची माहिती शेअर केली.

काही दिवसांपूर्वीच सैफ अली खानवर त्याच्या घरीच हल्ला झाला होता. यातून तो आता थोडा बरा झाला आहे. काही दिवसांपूर्वीच त्याचा एकदम फिट असलेला घरी जातानाचा व्हिडिओ वायरल झाला होता. तो इतक्या लवकर बरा झाला कसा याबाबत अनेकांकडून प्रश्नचिन्ह उपस्थित केले जात होते. आता या सगळ्या चर्चेमधून त्याला आनंदाची बातमी ऐकायला मिळाली आहे. त्याचा आणि अमृता सिंगचा मुलगा इब्राहिम अली खान लवकरच करण जोहरच्या सिनेमातून चित्रपटसृष्टीत पदार्पण करत असल्याची माहिती मिळत आहे. करण जोहरने स्वत: ही बातमी शेअर केली आहे. 

काय म्हणाला करण जोहर ? 

मी अमृता म्हणजेच डिंगीला भेटलेलो. तिच्या जवळचे व्यक्ती तिला डिंगी म्हणायचे मी तेव्हा फक्त १२ वर्षांचा होतो. तिने माझ्या वडिलांसोबत धर्मामुव्हीसाठी काम केलेले. दुनिया नाव होतं त्या सिनेमाचं. मला अजूनही आठवते कॅमेऱ्यासमोरची तिची उर्जा, ग्रेस.... पण मला सगळ्यात जास्त आठवतो तो म्हणजे तिला पहिल्यांदा भेटल्यावर तिच्यासोबत व तिच्या हेअरस्टायलिस्टसोबत केलेलं चायनीज डिनर अगदी जेम्स बॉन्ड मुव्हीसारखा... आमची दुसरी भेट झाली तेव्हा तिने मला अगदी तिच्या जवळच्या व्यक्तीसारखे वागवले होते. तिचा तोच दयाळूपणा तिच्या मुलांमध्येही जीवंत आहे.

सैफला मी आनंद महैंद्रू यांच्या ऑफिसमध्ये पहिला भेटलेलो. तरुण, राजबिंडा, आकर्षक ... अगदी तसाच जसा मी पहिल्यांदा इब्राहिमला भेटलेलो. नशीबाने आपल्यातली ती मैत्री आपल्या मुलांमध्येही अजूनपण अबाधीत आहे.

मी त्याच्या कुटुंबाला ४० वर्षांपासून ओळखतो. वेगवेगळ्या प्रोजेक्टमध्ये मी त्यांच्या कुटुंबासोबत काम केले आहे जसे की, अमृतासोबत दुनियामध्ये, सैफसोबत कल हो ना हो ते कुर्बान, सारासोबत सिंबा... आणि अजुन पुढे येणारे खूप सारे प्रोजेक्टसुद्धा, सिनेमे त्यांच्या रक्तात आहेत. त्यांच्या अनुवांशिकतेत आणि त्यांच्या आवडीमध्येही.... आता आम्ही टॅलेंटच्या नव्या लाटेला घेऊन येत आहोत. त्याला जगाला दाखवयला मी वाट पाहू शकत नाही. तर तयार राहा... आता इब्राहिम अली खान तुमची मनं जिंकायला येतोय मोठ्या पडद्यावर ...