Nagpur Crime : ... अन् तो प्रेयसीला जीव जाईपर्यंत मारतच राहीला
majhamaharashtra 
माझा महाराष्ट्र ऑनलाईन : नागपूरमध्ये एक धक्कादायक घटना घडली आहे. या घटनेत प्रियकराने चारित्र्याच्या संशयातून आपल्या प्रेयसीची निघृण हत्या केली आहे.
हेमलता वैद्य (वय ४५) या आपल्या मुलीसह नागपूरमध्ये राहत होत्या. त्यांच्या पतीचे काही वर्षांपूर्वी निधन झाले होते. प्रियकर अक्षय दाते (वय ३५) याने हेमलताशी वाद घालत डोक्याच्या मागील बाजूस धारदार शस्त्राने वार करत त्यांना गंभीर जखमी केले. अक्षय व हेमलता यांचे काही वर्षापासून प्रेमसंबंध होते.
या मारहाणीचा व्हिडिओ सीसीटीव्ही कॅमेऱ्यात कैद झाला असून, त्यात अक्षय हेमलतावर हल्ला करताना स्पष्टपणे दिसत आहे. सोसायटीतील लोकांनी हेमलताला मेयो रुग्णालयात दाखल केले, मात्र उपचारादरम्यान तिचा मृत्यू झाला.या घटनेनंतर पोलिसांनी अक्षयला तत्काळ अटक केली असून, त्याच्यावर गुन्हा दाखल करण्यात आला आहे. या घटनेने नागपूर शहरात खळबळ उडाली असून, पोलिसांकडून या घटनेचा तपास वेगाने केला जात आहे.
