'छावा' मध्ये संभाजी महाराजांच्या भुमिकेत विकी कौशल , पोस्टर पाहून पत्नी कतरिनाने दिली पहिली प्रतिक्रिया, म्हणाली...

माझा महाराष्ट्र ऑनलाईन : विकी कौशलची प्रमुख भूमिका असलेल्या 'छावा' सिनेमाचं मोशन पोस्टर काही दिवसांपुर्वी  रिलीज झालं. या पोस्टरमध्ये विकी कौशलचा छत्रपती संभाजी महाराजांच्या भूमिकेत रुद्रावतार बघायला मिळतोय. 'छावा' सिनेमाच्या मोशन पोस्टरमध्ये विकी कौशलला पाहून सेलिब्रिटी आणि चाहत्यांच्या प्रतिक्रिया सोशल मीडियावर येत आहेत. अशातच विकीची पत्नी आणि प्रसिद्ध अभिनेत्री कतरिना कैफने सोशल मीडियावर दिलेली प्रतिक्रिया आता चर्चेत आहे.

काय म्हणाली कतरिना ? 

कतरिना कैफने विकी कौशलचं 'छावा' सिनेमाचं पोस्टर शेअर करुन खास रिअॅक्शन दिली आहे. फायरचं इमोजी शेअर करुन कतरिनाने तिची खास प्रतिक्रिया दिली आहे. एकूणच कतरिनाला विकीचा लूक आवडला असून तिने पसंती दिली आहे. विकी कौशलच्या 'छावा' सिनेमाच्या सुरुवातीपासूनच कतरिना विकीला पाठिंबा देत आहे. 

कधी रिलीज होतोय विकीचा 'छावा' ?

'छावा'मध्ये छत्रपती शंभूराजेंच्या भूमिकेत विकी कौशल, येसूबाईंच्या भूमिकेत रश्मिका मंदाना तर औरंगजेबाच्या भूमिकेत अक्षय खन्ना झळकणार आहे. 'छावा' सिनेमा १४ फेब्रुवारीला रिलीज होतोय. लक्ष्मण उतेकर यांनी 'छावा'चंं दिग्दर्शन केलंय. त्यांनी याआधी 'मिमि', 'लुका छुपी' अशा सिनेमांचं दिग्दर्शन केलंय.