हा विजय हीच खरी स्वर्गीय आम. पी. एन. पाटील यांना श्रद्धांजली: खासदार शाहू महाराज

कोल्हापूर लोकसभा मतदारसंघातून संजय मंडलिक यांना पराभूत करत खासदार पदी श्रीमंत शाहू महाराज छत्रपती यांनी विजयाचा झेंडा रोवला. यावेळी शाहू महाराजांनी कोल्हापूरकरांचे पत्रका द्वारे आभार मानले. यामध्ये ते म्हणाले ; कोल्हापूर लोकसभा मतदारसंघातून सर्वसामान्य जनतेच्या बळावर मी विजयी झालो आहे. या विजयामध्ये इंडिया आघाडीचे व महाविकास आघाडीचे कार्यकर्ते, पदाधिकारी आणि प्प्रचाराच्या दरम्यान काम करणारी सगळे प्रमुख नेते यांचा मी मनापासून आभारी आहे. यावेळी आमदार पी एन पाटील यांची आठवण काढत या विजयामध्ये मला उणीव भासते ती आमचे सहकारी स्वर्गीय आमदार पी एन पाटील साहेब यांची कोल्हापूरच्या स्वाभिमानी जनतेने साकारलेल्या हा विजय हीच खरी आमदार पी.एन. पाटील यांना श्रद्धांजली आहे. पुन्हा एकदा सर्व स्वाभिमानी कोल्हापूरच्या जनतेचे मनःपूर्वक आभार.