देशमुख शिक्षण समूहात शिक्षकांचा सत्कार

कोल्हापूर (प्रतिनिधी) : सानेगुरुजी वसाहत परिसरात देशमुख शिक्षण संकुलात आज व्हिडिओ निर्मिती स्पर्धेतील विजेत्या शिक्षकांचा सत्कार करण्यात आला.

महाराष्ट्र शासन अंतर्गत शालेय शिक्षण विभागामार्फत सन 2023 मध्ये घेण्यात आलेल्या शिक्षकांसाठी दर्जेदार व्हिडिओ निर्मिती स्पर्धेचा निकाल नुकताच जाहीर करण्यात आला. यामध्ये देशमुख शिक्षण समूहातील एकूण 4 शिक्षकांनी तालुका स्तरापासून राज्य पातळीपर्यंत यश संपादन केले. 

यामध्ये डी. जे. वाघ, एस. पी. डोंगळे, एस. बी. शिंदे, व्ही. पी. माळी या शिक्षकांचा संस्थेच्या वतीने माजी प्राचार्य डॉ. जे. के. पवार सर यांचे शुभहस्ते सत्कार करण्यात आला.

याप्रसंगी संस्था कार्याध्यक्ष सुनील कुरणे, संचालिका प्रमिलाताई देशमुख, संचालक सिद्धार्थ देशमुख, प्राचार्य बी. यु. जाधव तसेच सर्व शाखांचे मुख्याध्यापक उपस्थित होते.

कार्यक्रमाचे स्वागत व प्रास्ताविक पी. एस. नाईक यांनी तर सूत्रसंचालन एस. आर. पाटील यांनी केले.